جنوبی وزیرستان میں پاکستانی فوج پر حملہ، ایک اہلکار ہلاک

0
3

پاکستان کے افغانستان سے ملحق علاقے جنوبی وزیرستان میں پاکستانی فوج پرایک حملے میں ایک اہلکار ہلاک ہوا ہے۔

پاکستانی فوج کے شعبہ تعلقات عامہ (آئی ایس پی آر) نے کہا ہے کہ خیبرپختونخوا کے ضلع جنوبی وزیرستان میں مسلح حملہ آوروں کے ساتھ فائرنگ کے تبادلے میں ایک فوجی اہلکارہلاک ہو گیا۔

آئی ایس پی آر نے دعویٰ کیاکہ سیکیورٹی فورسز کامسلح حملہ آوروں کے ساتھ 22 نومبر کو فائرنگ کا تبادلہ ہوا، جس کے نتیجے میں ایک اہلکار ہلاک ہو گیا۔

بیان میں کہا گیا کہہلاک اہلکارکی شناخت کوہاٹ کے علاقے لاچی سے تعلق رکھنے والے 39 سالہ حوالدار عمرحیات کے نام سے ہوئی ہے۔

اب تک اس حملے کی ذمہ داری کسی نے قبول نہیں کی ہے تاہم اس علاقے میں پاکستانی فورسز پرحملوں کی ذمہ داریاں تحریک طالبان پاکستان قبول کرتی رہی ہے ۔

جواب چھوڑ دیں

براہ مہربانی اپنی رائے درج کریں!
اپنا نام یہاں درج کریں